Жан тынысы (Астана Опера)

«Жан тынысы» вокалдық-аспаптық музыка кеші.

Ұзақтығы — 1 сағат 30 минут.

Жас шектеуі 10+ екендігіне назар аударуды сұраймыз.

Вокал өнерін сүйер қауымға Қазақстанның еңбек сіңірген қайраткерлері Айгүл Ниязова (сопрано), «Астана Опера» оркестрінің солисі Бағдат Әбілханов (скрипка), трубашы Думан Орынғалиұлы, сондай-ақ Руслан Баймурзиннің басқаруындағы «Астана Опера» камералық оркестрі «Жан тынысы» вокалдық музыка кешін тарту етпек.

Айгүл Ниязова опералық және камералық-вокалдық классиканы бағалайтын жандарға кеңінен танымал. Оның жылылық пен нәзіктік тұнған жарқын әрі қуатты дауысы тыңдарманды шынайылығымен және драмалық тереңдігімен баурап алады.

Бағдат Әбілханов — танымал музыкант, камералық музыканы насихаттаушы және авторлық концерт топтамаларын ұйымдастырушы.

Кеш бағдарламасын оркестрдің орындауындағы камералық классика толықтырады.

Концерт қалың көрерменге жарқын эмоция мен шабыт сыйлайды деген сенімдеміз!

Орындаушылар:

Солистер:

— Айгүл Ниязова, Қазақстанның еңбек сіңірген қайраткері (сопрано);

— Бағдат Әбілханов, Қазақстанның еңбек сіңірген қайраткері (скрипка);

— Думан Орынғалиұлы (труба);

— «Астана Опера» камералық оркестрі. Дирижёр — Руслан Баймурзин, «Құрмет» орденінің кавалері.

Бағдарламада Дж. Гершвин, Д. Керн, Э. Морриконе, М. Фалья, К. Веласкес, Ф. Легар, Э. Артемьев, А. Пахмутованың музыкасына танымал оперетталар, мюзиклдер мен кинофильмдерден туындылар шырқалады.