Мама (Театр для детей и юношества им. Мусрепова)

Спектакль отбасылық қарым-қатынас контекстінде мәңгілік құндылықтар тақырыбын ашады. Оқиға қарт әйел мен оның ересек ұлының телефон арқылы сөйлесуіне негізделген. Рухани жақындықты аңсап жалғызсыраған ана өзі үшін маңызды дүниелерді баласымен бөліскісі келеді. Бірақ, оның ұлы жұмысбасты адам болғандықтан «бос» әңгімелерге уақыты жоқ.

Алайда, анасы шалған қоңыраулардың жылулығы, шынайылығы оның балалық шағындағы естеліктерін оятып, телефонның арғы жағындағы адамның оған қаншалықты жақын әрі қымбат екенін, анаға уақытын арнап, көңіл бөлу қаншалықты маңызды екенін түсінуге мүмкіндік береді. Осы тұста әрбір қоңырау сайын ұлының анасына деген сезімі мен көзқарасының қалай өзгеретінін тамашалағыңыз келсе спектакльді көруге шақырамыз!